‘U CUFUNI

Preparate il cufune, mettetelo al centro della stanza e accendetelo. Radunate la famiglia e leggete, lentamente, queste due poesie sul cufune, per secoli protagonista nei freddi e per fortuna brevi inverni trapanesi.

Vecchi e picciotti ‘n circulu a parlari

quannu lu ‘mmernu jia pi riggidiri

tinianu lu cufuni pi quariari,

vicinu e si passavano li siri.

Supra ‘u cufuni, lu circu a vardari

lu ranni focu chi ghia a ‘ncinniriri

robbi vagnati misi ad asciugari

fin quannu cc’era ancora soccu riri

‘U cufuni cu li tizzuna ardenti

rava ristoru ‘n casa e ‘n ogni lettu

quariava omini giusti e prepotenti

ognunu di lu friddu era protettu.

Vasu ri crita nun vali cchiù nenti

pigghiaru peri ‘a stufa e‘u caminettu.

Si, certu, li termusifuna

dunanu un caluri tuttu paru:

a casa addiventa un paraddisu

e poi stari ‘n cammisa o c’u piggiama.

Si pensu a lu circu c’u cufuni

a balanza abbucca di ‘sta banna!

Però, a ‘ddi tempi, pi chiddu chi riordu,

friddu di jornu nun ci n’era:

u friddu si sintia si ti curcavi

quann’arrivava l’ura di lu lettu.

Perciö, a cunti fatti, lu cufuni

era chiù conomicu e abbastava.

(da rumpiteste.wordpress.com)